Ե՞րբ տեսական քննությանը կսկսվեն նոր հարցերը և ո՞ր բազան է գործում հիմա

Ինչ է հայտնի ՆԳՆ-ի հաղորդմամբ՝ նոր հարցաշարերը հրապարակվել են roadpolice.am-ում 2026 թվականի հոկտեմբերի 2-ին, իսկ նոր հարցերը թեստերում կներառվեն հրապարակումից 30 օր անց։ Հոկտեմբերի 2-ից հաշված դա մոտավորապես նոյեմբերի 1-ն է։ Կոնկրետ օր հաղորդագրության մեջ չկա, ուստի ամսաթիվը «մոտավոր» է։ Կառավարության 385-Ն որոշման կարգի 16-րդ կետով նոր հարցերը կարող են ներառվել հրապարակումից 30 օր հետո, այսինքն՝ ոչ ավելի շուտ։

Ինչ գործում է հիմա Մինչև այդ ամսաթիվը թեստերում դեռ նախկին հարցերն են։ Եթե քննությունը մոտ է, պատրաստվեք և՛ նախկին, և՛ նոր հարցերով. անցման օրերին կարող են հանդիպել երկուսն էլ։ Սա մեր խորհուրդն է, ոչ պաշտոնական կանոն։

Քանի հարց կա

• A, B, C՝ 1050 հարց, որից 11-ը նոր։
• D, T՝ 1380 հարց, որից 437-ը նոր։

Մեր կայքում A, B, C կարգերի բազան թարմացվել է հոկտեմբերի 5-ին։ Քննության ձևաչափն առայժմ նույնն է. 20 հարց, հանձնելու համար պետք է առնվազն 18 ճիշտ պատասխան։

FAQ

Հոկտեմբերի 20-ին նոր հարցեր կլինե՞ն։ ՆԳՆ-ի հաղորդագրության մեջ այդպիսի ամսաթիվ չկա։ Նշված է «հրապարակումից 30 օր անց», այսինքն՝ մոտավորապես նոյեմբերի 1։

Ի՞նչ սովորել հիմա՝ հին թե նոր բազան։ Մինչև մոտավորապես նոյեմբերի 1-ը՝ երկուսն էլ, իսկ դրանից հետո՝ նոր բազան։ A, B, C-ում նոր հարցերը քիչ են (11-ը 1050-ից), բայց մեր համեմատությամբ 1-ին խմբի երկու հարցի ճիշտ պատասխանը փոխվել է։

Որտե՞ղ ներբեռնել նոր հարցաշարերը։ Պաշտոնական PDF-ները roadpolice.am/hy/viv-exam էջում են՝ հայերեն, ռուսերեն, անգլերեն, արաբերեն և պարսկերեն։

Փոխվե՞լ են քննության կանոնները (20 հարց, 18 ճիշտ)։ ՆԳՆ-ի հաղորդագրությունը կանոնների փոփոխության մասին չի խոսում։ Գործող կարգով՝ 20 հարց, առնվազն 18 ճիշտ պատասխան։

Աղբյուրներ

• ՆԳՆ, հաղորդագրություն 02.10.2026 (26.10.2026-ին էջը չի բացվում՝ «Պահանջվող էջը չի գտնվել»)՝ https://mia.gov.am/2026/10/02/varord/
• «Արմենպրես», ՆԳՆ հաղորդագրության վերարտադրությունը (02.10.2026)՝ https://armenpress.am/hy/article/1261884
• roadpolice.am, տեսական քննության հարցաշարեր (30 օրվա կամ սկսելու ամսաթվի մասին տեքստ էջում չկա)՝ https://roadpolice.am/hy/viv-exam
• ՀՀ Կառավարության N 385-Ն որոշում, հավելված 1, կետ 16 (նոր հարցերը կարող են ներառվել հրապարակումից 30 օր հետո)՝ https://www.arlis.am/hy/acts/227433

Ինչ է փոխվել և ինչպես պատրաստվել՝ հոդվածում, լրատվությունը՝ ՆԳՆ-ն հրապարակել է նոր հարցաշարեր։ Ստուգեք ձեզ փորձնական քննությամբ։