Պարապեք ըստ թեմաների

Տեսական քննությունը բաղկացած է երկու մասից՝ 3 հարցից կազմված հոգեբանական թեստից, որի բոլոր հարցերին պետք է ճիշտ պատասխանել, և գիտելիքների ստուգման 20 հարցից, որոնցից առնվազն 18-ին պետք է ճիշտ պատասխանել․ պատասխանելու համար տրվում է 30 րոպե։ Գիտելիքների ստուգման թեստը բաղկացած է 20 հարցից՝ 2-ը «Ճանապարհային երթևեկության անվտանգության ապահովման մասին» օրենքից, 15-ը՝ ճանապարհային երթևեկության կանոններից, 2-ը՝ տրանսպորտային միջոցների շահագործումն արգելող անսարքությունների և պայմանների վերաբերյալ, 1-ը՝ երթևեկության մասնակիցների անվտանգության և առաջին օգնության վերաբերյալ (ՀՀ կառավարության 2020 թվականի մարտի 26-ի N 385-Ն որոշում, N 1 հավելված, կետ 17)։ Այստեղ կարող եք պարապել պաշտոնական հարցաշարի բոլոր 10 խմբերով և գունավոր պատկերների պարապմունքային խմբով։